Kapitulli 7: E Drejta e Pronësisë Intelektuale

Acquis mbi pronësinë intelektuale parashikon mbrojtjen e të drejtave të autorit dhe të drejtave të pronësisë industriale. Ai parashikon rregulla të harmonizuara për mbrojtjen ligjore të të drejtave të autorit dhe të drejtave të tjera të lidhura me to. Dispozita specifike zbatohen për mbrojtjen e bazave së të dhënave, programeve kompjuterike, topografive gjysmëpërçuese, transmetimit satelitor dhe ritransmetimit kabllor. Në fushën e të drejtave të pronësisë industriale, acquis përcakton rregulla të harmonizuara për mbrojtjen ligjore të markave tregtare dhe dizenjove. Dispozita të tjera zbatohen për shpikjet e bioteknologjike, për produktet farmaceutike dhe produktet për mbrojtjen e bimëve. Përveç kësaj, acquis përcakton një markë dhe dizenjo komunitare dhe parashikon rregulla të harmonizuara për zbatimin e të drejtave të autorit dhe të drejtave të pronësisë industriale.